Komisarioen Elkargoak azaroaren 17an neurri eta ekintza berriak aurkeztu zituen lurzorua hobetu eta baso-soiltzeari eta hondakinen lekualdatzeei ekiteko.
Zehazki, Europar Batasunak (EB) lurzorua babesteko Estrategiaren helburua, lurzoruentzat, egun urari, itsas inguruneari eta aireari ematen diegun babes-maila bera bermatzea da.
Hurrengo urratsa, Batzordeak 2023an lurzoruaren osasunari buruzko legegintza-ekimen berri bat abiaraztea izango da, Lurzoruaren Estrategiaren helburuak betetzeko.
Lurzorua, elikadura-kate guztien eta tokian tokiko biodibertsitatearen oinarria da. Lurzoru osasuntsuak Europako Itun Berdeak jorratutako funtsezko erronketarako irtenbide dira, neutraltasun klimatikoa, ekonomia garbi eta zirkularra, biodibertsitatearen galeraren iraulketa, elikagai osasungarriak ematea, giza osasuna babestea, lurraren desertifikazio eta degradazioa gelditzeaz gain.
Hala ere, EBko lurzoruen % 60-70 inguru ez dira osasungarriak. Urtero, EBeko 1.000 milioi tona lurzoru inguru eramaten ditu higadurak, eta, horren ondorioz, urtean 1.250 milioi euroko galera kalkulatzen da EBko nekazaritza-ekoizpenean.
Lurzoruek, materia organikoaren murrizketa, kutsadura, biodibertsitatearen galera, lurraren erabilera eta kudeaketa jasanezinaren ondoriozko gazitzea eta zigilatzea, gehiegizko ustiapena eta kutsatzaileen isuriak ere jasaten dituzte.
Batzordearen arabera, 400 km² lurzoru baino gehiago galtzen dira urtero EBn azpiegitura edo hiri-eremu berriak sortzeko, batez ere nekazaritza-lurren kontura.
