Ekonomiaren Garapen, Jasangarritasun eta Ingurumen sailburu Arantxa Tapiak EUROPEAN FOODTECH NATIONS SUMMIT 2021 jardunaldian parte hartu zuen, ekitaldiaren bigarren egunean. Nafarroaren, Gaztela eta Leonen, Galiziaren, Kataluniaren, Aragoiren eta Andaluziaren ordezkaritzekin osatutako autonomia erkidegoen panela itxi zuen bertan.
Bere hitzaldian, eskerrak eman zizkion lehen sektoreari egindako lanagatik pandemian, pandemiaren aurretik eta gaur egun.
“Ezer falta ez dadin” egindako lana goraipatu zuen, baita “gastronomiaren, sukaldaritzaren eta berrikuntzaren erreferente garela” ere.
“Bikaintasuna, kalitatea eta trazabilitatea bilatzen ditugu. Globalak eta lokalak izatea dagokigu. Lehiakorrak izateko, maila lokalean eta globalean jarduten jakin behar dugu, eta, gainera, ekonomikoki eta ingurumenaren aldetik jasangarriak izan “.
Food 4 Future industriatik eta industriarako diseinatutako topaketa bat da, hainbat herrialdetako 170 enpresa erakunderen baino gehiagoren babesa duena. Sektoreko 5.000 profesional bilduko ditu, 20 herrialde baino gehiagotatik etorriak. Nazioarteko kongresua elikagaien industriako eta haren balio kateko edozein profesionalentzako urteroko plataforma eta topaketa izango da. Bertan, elikagai industriaren eraldaketa bultzatzen ari diren azken berrikuntzak eta joerak ezagutu ahal izango dira, hala nola: 4.0 teknologiak, elikadura osasungarriarekiko kezka, elikagai jasangarrien eta eraginkorren ekoizpena, edo klima aldaketaren aurkako borroka.
