Eusko Jaurlaritzako Elikagaien Kalitate eta Industrien zuzendariak, Peli Manterolak eta HAZI Fundazioko zuzundariak, Asier Arresek parte hartu zuten BasQuisite Elikagaigintzako Azoka Profesionalaren bigarren edizioan
, non Euskadiko, Nafarroako eta Galizia bezalako beste eskualdetako elikagaigintzako ehun ekoizle baino gehiago bildu ziren Ficoban. Aurten, Galizia izan da autonomia erkidego gonbidatua.
BasQuisite Elkanogroup enpresak antolatu du, eta Eusko Jaurlaritzaren, HAZI Fundazioaren, eta Gipuzkoako Foru Aldundiaren babesa du.
4000 m²-ko hedapenarekin, 100 erakusketarik bertan egon direla baieztatu dute, eta, horrez gain, nazioko eta nazioarteko ehunka erosle etorri dira, eta Euskadiko eta ondoko lurraldeetako HORECA arloko ehunka bisitari profesional ere bertaratuko dira. Erakusketan elikagaien eta edarien 1000 erreferentzia inguru egon dira erakusgai Ficobako azoka-eremuan, eta negozioak egiteko bideratuta dauden bilerak eta topaketak sustatu dituzte.
BasQuisiteko laguntzaileen artean, hauek ditugu: INTIA (Nafarroako Gobernua), Euskadiko Elikaduraren Klusterra, Nagrifood (Nafarroako Nekazaritzako Elikagaien Klusterra), Comercial Hostelera, Ficoba, Gipuzkoako Ostalaritza, Bizkaiko Ostalaritza Elkartea, Nafarroako Ostalaritza eta Turismo Elkartea, SEA Arabako Enpresak eta Errioxako Ostalaritza Elkartea.