Gaztaren III. Nazioarteko Kongresua Ordizian egin zen, Idiazabal Gaztari loturako sektorea balioesteko helburuarekin, artzaintza elikaduraren balio kateko zati dela erreibindikatuta.
Kongresua EHUko Udako Ikastaroen barruan egin zen, Idiazabal gaztaren Kofradiak gidaritzapean. Hiru saio izango dira, non Mendialdeko Gaztak, Artzain Gaztak eta Idiazabal gaztaren inguruko Turismoa eta Gastronomia gaiak landuko diren, besteak beste.
Kongresu honen bitartez, asmoa da artzaintzaren jarduera eta Idiazabal gazta gizarteari gerturatzea
Simposiumaren irekiera ekitaldian parte hartu zuten Eusko Jaurlaritzako Nekazaritza, Arrantza eta Elikagaien Politikako sailburuorde Bittor Orozek, Gipuzkoako Nekazaritza eta Landa Garapeneko zuzendari Xabier Arrutik, Ordiziako alkate Jose Miguel Santamariak, EHUko errektore Nekane Balluerkak eta Ordiziako Gaztaren kofradiako kidea den Jesus Mari Ormaetxeak.
Oroz sailburuak hitz egin zuenean, batez ere azpimarratu du artzaintza Elikaduraren Balio Katea osatzen duten adierazleetako bat dela, eta jarduera ekonomikoa eta enplegua sortzen dituela. “Artaintza eta artzaintzaren ondoriozko jarduera guztiak enplegua sortarazten eta ekonomia aberasten duten faktoreak dira, eta ez soilik sektore primarioan, baizik eta elikagaien industriaren sektorean ere bai” – gaineratu zuen Orozek.
Kongresu honen bitartez, asmoa da artzaintzaren jarduera eta Idiazabal gazta gizarteari gerturatzea kontsumitzaileengandik konpromiso bat lortzeko, produktuaren kalitatea eta produktua lantzeak eskatzen duen guztia ezagututa bertako produktuen eta kalitateko produktuen alde egin dezaten beren erosketetan.