Eusko Jaurlaritzako Nekazaritza, Arrantza eta Elikagaien Politikako sailburuorde Bittor Orozek eta Arrantza eta Akuikultura zuzendariak, Leandro Azkuek, Atunaren IV. Kongresu Nazionalean parte hartu zuten Madrileko Arte Ederretako Zirkuluan.
Atunketari izoztaile Handien Ekoizle Elkartuen Erakundeak, OPAGACek, bi urtean behin bultzatzen du topaketa, eta bertan profesional garrantzitsuak eta pertsona ezagunak elkartzen dira atunaren sektoreari buruz duten ikuspuntua eta iritzia adierazteko.
Kongresuaren edizio honen gai nagusia zen atunaren sektoreari kalitate handia ematen dioten balioak sendotzea
Kongresuaren edizio honen gai nagusia zen atunaren sektoreari kalitate handia ematen dioten balioak sendotzea, “Era arduratsuan arrantzatutako atuna”-ren gaineko UNE 195006:2016 arauen eta OPAGACek garatzen ari den “FIP” Arrantza Hobetzeko Planaren bitartez.
Oroz sailburuordea izan zen Kongresuari hasiera emateko inugurazio mahai presiditzera gonbidatutakoetako bat, eta mahai horretatik gogora ekarri nahi izan zuen nola Eusko Jaurlaritzak iruzurrik gabeko merkatu baten alde egitea bultzatu duela, espezie batzuk beste batzuekin ordezkatzearen aurka eginda. “Merkatuen defentsa, funtsean, gure arrantza ontziek harrapatutako produktuen kontsumoa defendatzea eta bultzatzea izan behar da, kontrolatutako produktuak baitira eta trazabilitate berme guztiak baitituzte”. Zentzu horretan, sailburuordeak azpimarratu zuen, halaber, euskal exekutiboa atun solomoen inportazioen kontingenteen aurka dagoela, gutxieneko trazabilitate baldintzak betetzen ez baitituzte.
Irekiera hitzaldian, Bittor Orozek adierazi zuen arrantzaren kudeaketa iraunkorra egin beharra dagoela, elikaduraren sektorearen etorkizuna bermatzeko, gero eta sektore estrategikoagoa baita mundu mailan.
“Eusko Jaurlaritzarentzat, arrantzaren sektorea eta, zehazki, atunaren sektorea estrategikoa da Euskadin, eta babesa ematen diogu iraunkortasuna eta ezagutza zientifiko hobea eta berrikuntza oinarritzat hartuta errazago garatu dadin, atun enpresek lehiarako abantaila garbi eduki ahal dezaten, errentagarritasuna bermatuta edukitzeko” – gehitu zuen Orozek.