Abuztuaren azken asteburua, Gasteizko enparantza desberdinetan, Euskadiko ardo zuriak,
Euskadiko hiru jatorri izendapenak eta Arabako Errioxako ardo zuria, eta gastronomia uztartuko dira Arabako Errioxako Ardoaren Ibilbideak antolatutako “Zuria ta Kitto” ekitaldi enoturistikoaren bidez.
Euskadiko kalitatezko ardoen sustapena Elikagai Industriaren Lehiakortasun Planak jasotzen duen lehentasunezko bat da
Mikel Garaizabal enologoak ekimena aurkeztu zuen. Bertan Euskadiko ardo zuriak, hiru lurralde historikoko Txakolinak eta Arabako Errioxako ardo zuria, sustatzea eta bere kalitatea balioan jartzea dela ekitaldiaren helburu adierazi zen.
Eusko Jaurlaritzako Elikagaien Kalitate eta Industriako zuzendariak, Peli Manterolak, nabarmendu zuen aurkezpenean “Zuria ta Kitto” bezalako ekitaldien bidez elikaduraren balio kateko bi atal, produktua eta gastronomia batzen ditugula, balio erantsia emanez.
Ekitaldia abuztuaren 31tik, ostirala, irailaren 2ra arte Euskadiko kalitatezko produktuak eta euskal ardo zuriak dastatu ahal izango dira erdiko plaza publikoetan.
Bertako eta nazioarteko sustapena
Elikagaien Kalitate eta Industriako zuzendariak Euskadiko kalitatezko ardoen sustapena Elikagai Industriaren Lehiakortasun Planak jasotzen duen lehentasunezko bat dela nabarmendu zuen. “Gure ardoen presentzia merkatu eta azoka mota guztiez hornitzea nahi dugu, gertuenetan, gaurko aurkezpenaren kasuan, eta bokazio esportatzaile dutenetan ere”, gehitu zuen Manterolak.