Boliviako Valles Cruceñoseko ordezkari politikoen talde bat Euskadin egon da bisitan, euskal nekazaritza sisteman oinarritutako landa garapenerako plan bat diseinatzeko.
Proiektua Eusko Jaurlaritzak gidatzen du, HAZI Fundazioaren bitartez, eta, Getxoko Zabalketa GKEarekin batera, Euskadin arrakasta izan duten politikak partekatu nahi ditu, Boliviako hamaika udalerritara eramateko.
Horretarako, ikastaro trinko bat garatu dira, zeinean ordezkari cruztarrek tailerrak eta bisitak egin dituzten Euskadiko hainbat eskualdetara, gai estrategikoei buruzko ezagutzak ikasteko eta aplikatzeko: landagunea, landaguneko biztanleria eta bizitza kalitatea, jarduera ekonomikoak, politika publikoak…
Bisita amaierako jardunaldi batekin bukatu zen, maiatzaren 26an, eta bertan esperientzia baloratu zen eta azken urteotan Euskadiko lehen sektorearen landa garapenean lagundu duten hainbat protagonistaren lekukotzak eskaini zien. Eusko Jaurlaritzako Nekazaritza, Arrantza eta Elikagaien Politikako sailburuorde Bittor Orozek amaiera eman zion biitari.