Otsailaren 6an eta 7an Ekintzaileen Nazioarteko Foroaren laugarren edizioa egin zen, Basque Culinary Centerrek antolatuta, Culinary Action! egitasmoaren barruan.
Aurten, Foroak elikaduraren iragana, oraina eta etorkizuna landu ditu, kontuan hartuta produkzioa, industrializazioa, zerbitzu gastronomikoak eta janariaren digitalizazioa, protagonistek beraiek lehen pertsonan kontatutako lekukotzen bitartez.
Eusko Jaurlaritzako Nekazaritza, Arrantza eta Elikadura Politikako sailburuorde Bittor Orozek foroaren inaugurazioan parte hartu zuen, eta, nabarmendu duenez, “Euskadin berrikuntzaren ekosistema bat daukagu gastroelikaduraren balio katean, zeina palanka bat den inbertsioa erakartzeko, maila globalean esportatu ahal izateko”.
Eusko Jaurlaritzan aukerak sortzeko esparrutzat dugu nekazaritzako elikagaien balio kate osoa, ekoizpen promariotik elikagaien kontsumoraino, tartean egonik elikagaien eraldaketa, banaketa eta komertzializazio efizientea eta jasangarria”.