Arabako Errioxako Upeltegien Elkarteak (ABRA) 25. urteurrena ospatu zuen eta XIII. Arabako Errioxa Saria eman zion Oiongo Kimu zentro okupazionalari
(Indesa 2010) «azken 40 urteetan adimen urriko edo ezintasun fisikoko gure senideen integrazioaren eta laneko garapenaren alde egin duen lanagatik».
Ekitaldian egon ziren Ekonomiaren Garapen eta Lehiakortasuneko sailburu Arantxa Tapia, eta Nekazaritzako, Arrantzako eta Elikagai Politikako sailburuorde Bittor Oroz
Ekitaldian egon ziren Ekonomiaren Garapen eta Lehiakortasuneko sailburu Arantxa Tapia, eta Nekazaritzako, Arrantzako eta Elikagai Politikako sailburuorde Bittor Oroz. ABRAren lana goraipatu eta zoriondu zuten, eta Arabako Errioxako ardoak marka propio berezitu baten eta nazioartean saltzeko jauziaren beharra duela azpimarratu zuten. Gainera, gonbidatuen artean zeuden upeltegi elkartuak, Arabako Foru Aldundiko ordezkariak zein Batzar Nagusietakoak, Legebiltzarrekoak, jatorri-deitura kalifikatuko Kontseilu Arautzailekoak eta Arabako Ganberako ordezkariak, baita Arabako Errioxarekin eta bertako upeltegiekin lotura duten enpresetako ordezkariak, Arabako Errioxako Enbaxadoreak eta Ohorezko Bazkideak ere.
Villa Lucía Ardoaren Zentro Tematikoan ospatu zen urteurrena (Guardia – Araba) eta Elkarteak adierazi zuen «une aproposena» zela Euskadiko beste ardoekin anaitzeko. Hortaz, jatorri deitura hauek izendatu zituzten 2015eko Ohorezko Bazkide: Arabako Txakolina, Bizkaiko Txakolina eta Getariako Txakolina.