| Albisteak

Kofradia-Itxas Etxearen inaugurazio ofiziala egin zen

Karmengo Amaren egunarekin bat eginez, Kofradia-Itxas Etxearen inaugurazio ofiziala egin zen. Opegui Gipuzkoako baxurako arrantzako ekoizleen erakundeak sustatutako proiektua da, eta Euskadiko baxurako arrantza sustatzea eta balioestea du helburu.

Arantxa Tapiak arrantzaleak eta Gipuzkoako arrantza sektorea osatzen duten pertsona guztiak zoriondu zituen, Karmen eguna ospatzeagatik, baina baita Kofradia - Itsas Etxea inauguratzeagatik ere, "gure produktuari merezi duen garrantzia emateko" aukera eskainiko duen lokala delako. Sailburuak oso positiboki baloratu zuen sektorearen ekimena eta Eusko Jaurlaritzaren jarrera azpimarratu nahi izan zuen, EKPren bidez Donostiako kaiaren ingurua modernizatu baitu, espazio gastronomiko berria irekitzea erraztuz.

Ekitaldian parte hartu zuten, halaber, Eugenio Elduaien Gipuzkoako Kofradiako presidenteak, Eneko Goia Donostiako alkateak, Miren Garmendia Gipuzkoako Kofradiako idazkariak eta Iker Goiria Gipuzkoako Foru Aldundiko Turismo zuzendariak eta baita Gipuzkoako erakundeetako eta arrantza sektoreko hainbat ordezkarik ere.

Interesgarria

  • 1
  • 2

Sustrai buletina

Idatzi zure posta elektroniko helbidea eta hilero Sustrai buletina bidaliko dizugu
Zure posta-elektronikoa Sustrai buletina bidaltzeko erabiliko dugu eta nahi duzunean baja emango dezakezu
Please wait