| Europako Erkidegoko gaurkotasuna

Europar Batasunaren 2021erako legegintza-lehentasunak

EBko erakundeek agintaldi honen hasieran ezarritako lehentasun estrategikoek — inor atzean utziko ez duen Europa osasungarriagoa, ekologikoagoa, digitalagoa, justuagoa eta sozialagoa — 2021 urtean zehar ere erabakiak eta ekintzak bideratzen jarraituko dute, gizarte eta ekonomia are erresilienteagoak eraikitzen lagunduko dutenak.

2021erako Adierazpen Bateratu hau Batzordearen datorren urterako lan-programan oinarritzen da, eta hiru erakundeek Europako herritarrek nahi dituzten aldaketak gauzatzeko duten erabakitasun komuna erakusten du. Estrategiatik akziora pasatzeko unea iritsi dela uste dute.

Hiru erakundeek honako ekimen hauei lehentasun handiena ematea erabaki dute, 2021a amaitu baino lehen lana ahalik eta gehien aurreratu eta Europaren eraldaketarako, berreskurapenerako eta etorkizuneko erresilientziarako oinarriak ezarri dezaten:


• Europako Itun Berdea aplikatzea, hemendik 2050era klimaren neutraltasuna lortzeko, eta gainera:

-          Biodibertsitatea babestea

-          Baso-soiltzea saihestea

-          Mugikortasun adimentsuago eta iraunkorrago baterantz aurrera egitea.

-          Natura-baliabideak babestea.
• Europako hamarkada digitala modelatzea.
• Pertsonen zerbitzurako ekonomia lortzea.
• Munduan Europa indartsuagoa lortzea.
• Europa aske eta segurua sustatzea.
• Europar demokrazia babestea eta indartzea, eta balio europar komunak defendatzea.

 

Sustrai buletina

Idatzi zure posta elektroniko helbidea eta hilero Sustrai buletina bidaliko dizugu
Zure posta-elektronikoa Sustrai buletina bidaltzeko erabiliko dugu eta nahi duzunean baja emango dezakezu
Please wait